改自成語：先【聲】奪人
先聲奪人：指在與對方或對手較量前,張揚聲勢來壓倒對方或使對方畏懼、退卻。亦指做事要搶先一步
（戴頭盔先，慎防叻仔叻女們Whatsapp我話打錯字/學錯成語)
傳統補習社礙於營運上嘅考量，無可避免係將成個課程拖長來教，
以保學生持續報課程，每個月先會有穩定學費收入，
所以成日都會見到一份卷拖成年去教，
甚至拖三年。
你可以想象一下，當補習社教曬所有最有用嘅技巧比你之後，
咁之後你唔再上堂，佢要揾咩交租？
所以無可避免就係可能會拖長黎教。
好似作文咁，第一期教你寫第一段，第二期教你寫中間段，第三期教你寫駁論。如是者，如果你要完整寫到一篇文章，好可能要等三期完咗，慢慢溫習總結翻三期内容，先至可以真正寫到一篇文出來。點知原來技巧局限於一種題型，如果要學埋另一種題型就要繼續報第四、五、六期。
如是者，好處自然彰顯到喺補習社身上，
不過學生嘅進度、成績就耽誤曬。
如果你份人企理、勤力的話，
願意喺補完習幾個月之後，再重新總結拼凑翻啲碎片技巧，
你當然可以掌握翻，
反之，大多數學生啲筆記、練習，不消一個月已經各散東西，
再加上總結歸納能力稍遜的話，
拉長來學其實等於無學到任何嘢。
Barry曾經都係學生，亦都有補過習，所以深諳此理。
所以我地課程前期已經會教識你點完整寫到一篇作文、一篇綜合，
甚至如何上場考閲讀卷，上完頭兩三期你已經可以上戰場。
而喺考試、測驗你可能會遇到唔同或大或小嘅問題(審題/時間分配/心理…)，
就可以持續將問題修正，成個過程Barry會同你一齊去進行。
中文科波動性真係可以好大，出題模式、内容主題嘅熟悉程度等等因素都會令到你嘅分數上跳下竄。
解決方案就係要用最穩妥嘅備試策略去應對，
先大幅提升考試知識技能，再維持實戰穩定。
所謂【循序漸進】嘅學習模式/補習模式，其實好可能會令你成爲考試之中嘅陪跑員。
所以，我哋選擇【先升奪人】。